 წუხელ გულის შეტევით გარდაიცვალა ახალგაზრდა ქართველი მსახიობი დავით იაშვილი. ის ამსტერდამში სტუდენტურ კინოპროექტში მონაწილეობდა.
დავით იაშვილი 1993 წლიდან რუსთაველის თეატრის მსახიობი იყო. მან
რამდენიმე თეატრალური სახე შექმნა. განსაკუთრებული პოპულარობა კი
კინოროლებმა მოუტანა. დავით იაშვილი თამაშობდა გახმაურებულ სერიალში
`სტალინ ლაივ`, რომელიც `ენ-ტე-ვეს` დაკვეთით გადაიღეს. ხშირად
მონაწილეობდა `რუსთავი ორის` პროექტებშიც. მან მთავარი როლი შეასრულა
ლევან თუთბერიძის მრავალსერიიან ფილმში `ქაღალდის ტყვია`.კინოთეატრ
`ამირანის` ეკრანზე კი ჯერ ისევ გადის მისი უკანასკნელი კინონამუშევარი
დიტო ცინცაძის ფილმში ”მედიატორი”. იაშკა, როგორც მას მეგობრები ეძახდნენ,
36 წლის ასაკში გარდაიცვალა.
| 
