19 წლის მსახიობი ცნობილი ფილმის "ჰარი პოტერის" მთავარი როლის შემსრულებელი დენიელ რედკლიფი შეწუხებულია, რომ “ჰარი პოტერის” გადაღებების შემდეგ სამსახურს ვერ იშოვის. იგი იმ დასკვნამდე მივიდა, რომ სამსახურის შოვნისას საკუთარი შანსების გაზრდის მიზნით ბალეტი შეისწავლოს.
“მე ბალეტის გაკვეთილებზე დავდივარ. საქმე იმაშია, რომ რამდენიმე წლის შემდეგ 21-22 წლის ვიქნები. ამ დროისთვის აღარ მექნება “ჰარი პოტერის” გადაღებები. გარდა ამისა, ეს ის ასაკია, როდესაც ბიჭები დრამის სკოლას ამთავრებენ. ამ სკოლაში ცეკვას, სიმღერას და ყველაფერ ასეთს ასწავლიან. მე სწორედ მათთვის მომიწევს მეტოქეობის გაწევა.”, _ განაცხადა მსახიობმა ჟურნალ Esquire – სთან საუბარში.