29 მარტს თბილისის ვანო სარაჯიშვილის სახელობის სახელმწიფო კონსერვატორიის მცირე დარბაზში კონცერტს გამართავს ნიჭიერი ახალგაზრდა მომღერალი მარიამ ნაჭყებია. მარიამი ვოკალურ ხელოვნებას თბილისის კონსერვატორიაში ასოცირებული პროფესორის ანა ჩიხრაძის ხელმძღვანელობით უკვე მეოთხე წელიწადია ეუფლება. პერსპექტიული ახალგაზრდა ხშირად მონაწილეობს დედაქალაქში გამართულ სხვადასხვა კონცერტებსა და ღონისძიებებში. ამჯერად კი, იგი მსმენელებს პირველ სოლო კონცერტზე იწვევს. პროგრამაშია მოცარტის, ბელინის, დონიცეტის, ვერდის, პუჩინის, ვოლფის, რახმანინოვის, ალექსი მაჭავარიანის ნაწარმოებები. კონცერტზე მარიამ ნაჭყებიას საფორტეპიანო თანხლებას გაუწევს კონცერტმაისტერი ნათია ქავთარაძე.
