მთავარი » 2009 » ივლისი » 11 » მომღერალმა სოგდიანამ შვილი დაიბრუნა და თხოვდება
მომღერალმა სოგდიანამ შვილი დაიბრუნა და თხოვდება
11:28 AM
ცნობილი პროექტის, “ფაბრიკა ზვიოზდის” ერთ-ერთმა მონაწილემ, სოგდიანამ, რომელიც ბოლო წელიწადნახევარია პირველ ქმართან ერთადერთი ვაჟისთვის იბრძოდა, შვილის ნახვა შეძლო. გარდა ამისა, მომღერლის ცხოვრებაში სხვა სიახლეცაა, ზაფხულის ბოლო იგი ჰოკეის კლუბის პრეზიდენტს ბაშირ კუშტოვს მიჰყვება ცოლად.
“ჯერ კიდევ ცოტა ხნის წინ, მეგონა, რომ აღარასდროს გავთხოვდებოდი, მაგრამ ბაშირმა მამაკაცებისადმი რწმენა დამიბრუნა. მოხარული ვარ, რომ ბოლოს და ბოლოს მე და ჩემმა ყოფილმა ქმარმა ცივილიზებული ადამიანებივით საუბარი შევძელით და ოფიციალურად გავიყარეთ. მთავარია, რომ მე ჩემი შვილის, არჯუნოს ნახვას შევძლებ ხოლმე”, _ განაცხადა ჟურნალისტებთან საუბრისას სოგდიანამ.
შეგახსენებთ, რომ მომღერლის პირველი ქმარი ინდოელი რამო სოგდიანას თაყვანისმცემელი “ფაბრიკა ზვიოზდის” პერიოდში გახდა. დაოჯახების შემდეგ კი ისინი გამუდმებით ჩხუბობდნენ და კამათობდნენ. მეუღლე მომღერალს მუშაობის საშუალებას პრაქტიკულად არ აძლევდა. ეს ამბავი გაყრითა და რამოს მხრიდან ბავშვის გატაცებით დასრულდა.
